H

Félagsmenn eru foreldrar og forráðamenn nemenda í skólanum.

Tilgangur þeirra er, samkvæmt grunnskólalögum, að styðja við skólastarfið og auka tengsl heimila og skóla.

Í upphafi hvers skólaárs, þó eigi síðar en 10.október, boði stjórn félagsins til aðalfundar með foreldrum og forráðamönnum nemenda. Skal það gert með minnst viku fyrirvara.

Á þeim fundi skulu foreldrar og forráðamenn hvers aldursflokks velja einn fulltrúa úr sínum röðum í fulltrúaráð til eins árs og annan til vara.

Einnig skal kjósa þrjá aðalfulltrúa í foreldraráð til tveggja ára.

Fyrsti fundur fulltrúaráðs skal haldinn strax að loknum aðalfundi. Þar kýs ráðið sér stjórn. Skal hún skipuð formanni, ritara, gjaldkera og tveimur meðstjórnendum. Þá skipar ráðið einn fulltrúa til setu á skólanefndarfundum.

Fulltrúaráðið skal koma saman til fundar minnst einu sinni á skólaárinu þar sem rædd skulu mál er varða skólann almennt.

Einnig skal fulltrúaráðið stefna að því að gefa út fréttabréf a.m.k. einu sinni á skólaárinu.

Lögum þessum má aðeins breyta á aðalfundi enda sé það tilkynnt í fundarboðun.

Aðalfundur er löglegur sé löglega til hans boðað. Breytinga er að vænta á lögum foreldrafélagsins vegna breytinga á grunnskólalögum.