Samræmdum prófum lokið hjá 9. og 10. bekk
Eins og um hefur verið rætt í þjóðfélaginu, þá voru samræmd próf með öðru sniði nú en áður. Bæði tóku 9. og 10. bekkur prófin. En eftirleiðis mun þau einvörðungu vera lögð fyrir 9. bekk.
Prófað var í þremur greinum, íslensku, stærðfræði og ensku. Öll prófin voru á tölvutæku formi og reyndi því vel á tölvukost skólans.
Við erum afskaplega stolt af þessu frábæru nemendum sem lögðu sig allir fram og gerðu sitt besta í hvívetna.
Eftir að síðasta prófið var lokið fóru nemendur upp í Skíðaskálann, með tveimur foreldrum (Guðmundi Agli og Þresti). Auk þess voru Helga G og Elva Þ. sem voru með nemendum fram að hádegi næsta dags.
Afskaplega skemmtileg ferð í alla staði :-)
Erfitt reyndist þó að finna mynd, þar sem allir sjást, eru mögulega brosandi og snúa að myndavélinni - því fá nokkrar myndir að fylgja þessari frétt :-)
TIL HAMINGJU KRAKKAR - ÞIÐ ERUÐ SNILLINGAR !
